మగాళ్ల శీలానికీ రక్షణ లేదా: జంతర్ మంతర్ ఆందోళనలో ఏం జరిగిందంటే..?

న్యూఢిల్లీ: సీఈసీ జ్ఞానేష్ కుమార్ రాజీనామా చేయాలని డిమాండ్ చేస్తూ అక్టోబర్ 10న ఢిల్లీలోని జంతర్ మంతర్‎లో కాక్రోచ్ జనతా పార్టీ భారీ నిరసన కార్యక్రమానికి పిలుపునిచ్చిన విషయం తెలిసిందే. సీజేపీ పిలుపు మేరకు ఈ నిరసనలో పాల్గొనేందుకు యువత పెద్ద ఎత్తున ఢిల్లీకి చేరుకున్నారు. అయితే, ఈ నిరసనకు అనుమతి లేకపోవడంతో ఢిల్లీ పోలీసులు సీజేపీ కార్యకర్తలను ఎక్కడికక్కడ అడ్డుకుని అదుపులోకి తీసుకుంటున్నారు. 

ఈ క్రమంలో ఢిల్లీ పోలీసులు సీజేపీ నిరసనకారుల పట్ల అనుచితంగా ప్రవర్తించారు. సీఈసీ జ్ఞానేష్ కుమార్ రాజీనామా చేయాలని డిమాండ్ చేస్తూ నిరసన తెలుపుతోన్న ఓ యువకుడి ప్యాంట్ లాగిపడేశారు పోలీసులు. ఈ వీడియో సోషల్ మీడిలో వైరల్‎గా మారింది. దీంతో నిరసనకారుల పట్ల పోలీసులు వ్యవహరించిన తీరుపై తీవ్ర విమర్శలు వెల్లువెత్తుతున్నాయి. 

ALSO READ : ఢిల్లీలో హై టెన్షన్.. కేజ్రీవాల్, మమతా బెనర్జీ అరెస్ట్..

ఢిల్లీ పోలీసులు మహిళలను మాత్రమే కాకుండా, పురుష నిరసనకారులను కూడా లైంగికంగా వేధిస్తున్నారని నెటిజన్లు విమర్శిస్తున్నారు. నిరసనకారులతో ఉద్దేశపూర్వకంగా అనుచితంగా ప్రవర్తిస్తూ ఆ తర్వాత విధి నిర్వహణలో భాగమంటూ కవర్ చేసుకుంటారని.. నిజంగా ఇది సిగ్గుచేటని కొందరు కామెంట్లు చేస్తున్నారు. మగాళ్ల శీలానికీ రక్షణ లేదా అంటూ పోలీసుల తీరుపై మరికొందరు ఆగ్రహం వ్యక్తం చేస్తున్నారు. 

సీజేపీ మద్దతుదారులు నీట్ పేపర్ లీకేజీకి వ్యతిరేకంగా ఆందోళనలు చేసిన సమయంలో కూడా ఢిల్లీ పోలీసులు అనుచితంగా ప్రవర్తించారనే ఆరోపణలు ఉన్నాయి. ముఖ్యంగా మహిళా నిరసనకారుల పట్ల పురుష పోలీసులు అసభ్యంగా ప్రవర్తించారు. యువతుల జట్టు పట్టుకుని లాగడం, శరీరాన్ని ఇష్టమొచ్చినట్లుగా తాకడం వంటి అనుచిత చర్యలకు పాల్పడ్డారనే ఆరోపణలు వెల్లువెత్తాయి. దీంతో అప్పట్లో కూడా ఢిల్లీ పోలీసుల తీరుపై తీవ్ర విమర్శలు వెల్లువెత్తాయి. 

Delhi Police isn’t just sexually harassing females, but also the male protestors. And then they call themselves to be in they duty. Shame. https://t.co/wKmld2JkO4

— ज़िद्दी नागरिक (@ZiddiNaagrik) October 9, 2026