Cinema : థియేటర్లలో యావరేజ్.. కట్ చేస్తే.. నేషనల్ అవార్డులలో సత్తా చాటిన సినిమా.. ఇప్పుడు ఓటీటీలో ట్రెండింగ్..
సినీరంగంలో ప్రతి సంవత్సరం ఎన్నో చిత్రాలు విడుదలవుతున్నాయి. కానీ కొన్ని బాక్సాఫీస్ వసూళ్లను అధిగమించి ప్రజల హృదయాల్లో చెరగని ముద్ర వేసుకుంటాయి. బాక్సాఫీస్ వద్ద పరాజయం పాలైనప్పటికీ చిరస్థాయిగా నిలిచిపోయిన అలాంటి ఒక చిత్రం గురించి ఇప్పుడు దేశవ్యాప్తంగా చర్చ నడుస్తుంది. అందుకు కారణం ఇటీవల ప్రకటించిన నేషనల్ అవార్డు వేడుకలలో సత్తా చాటడమే. మనం మాట్లాడుకుంటున్న ఆ సినిమా పేరే ‘చందు ఛాంపియన్’. ఈ చిత్రానికి IMDbలో 7.8 రేటింగ్ ఉంది
కబీర్ ఖాన్ దర్శకత్వం వహించిన ఈ చిత్రం, భారతదేశపు మొట్టమొదటి పారాలింపిక్ స్వర్ణ పతక విజేత మురళీకాంత్ పెట్కర్ జీవితం ఆధారంగా రూపొందింది. ఈ సినిమాలో ప్రధాన పాత్ర కోసం నటుడు 18 కిలోల బరువు తగ్గి జాతీయ పురస్కారం గెలుచుకోవడం ఇప్పుడు , ఈ చిత్రంలో కార్తిక్ ఆర్యన్ ప్రయాణం నిజంగా స్ఫూర్తిదాయకం అనె చెప్పాలి. సాధారణంగా తన రొమాంటిక్-కామెడీ చిత్రాలతో లవర్-బాయ్ ఇమేజ్తో పేరుతెచ్చుకున్న కార్తీక్, ఈ బయోగ్రాఫికల్ స్పోర్ట్స్ డ్రామాలో ఒక పాత్ర పోషించి అందరినీ ఆశ్చర్యపరిచాడు.
ఈ చిత్రానికి సంబంధించిన ఒక సరదా సంఘటన ఏమిటంటే, “చందు ఛాంపియన్” పాత్రను దక్కించుకోవడానికి కార్తీక్ ఆర్యన్ కబీర్ ఖాన్కు అబద్ధం చెప్పాడు. ఈ విషయాన్ని కార్తీక్ ఆర్యన్ స్వయంగా ఒక ఇంటర్వ్యూలో వెల్లడించారు. ‘చందు ఛాంపియన్’ స్క్రిప్ట్ తనకు బాగా నచ్చిందని, కబీర్ ఖాన్ తనను ప్రొఫెషనల్ స్విమ్మింగ్ తెలుసా అని అడిగినప్పుడు, తాను అవునని చెప్పానని ఆ నటుడు తెలిపారు. మునిగిపోకుండా ఉండేందుకు సరిపడా మాత్రమే తనకు ఈత వచ్చని అబద్ధం చెప్పానని కార్తీక్ వివరించారు. అయితే, ఆ సినిమాకు సంతకం చేసిన తర్వాత, కార్తీక్ ఏడాదిన్నర పాటు శిక్షణ తీసుకుని, పూర్తిస్థాయి అథ్లెట్గా రూపుదిద్దుకున్నారు.
తెరపై ఒక అథ్లెట్ శరీరాకృతిని యథాతథంగా చూపించడానికి కార్తీక్ ఆర్యన్ అవిశ్రాంతంగా కృషి చేశాడు. ఆ పాత్ర కోసం అతను దాదాపు 18 కిలోగ్రాముల బరువు తగ్గాడు. తన శరీరంలోని కొవ్వు శాతాన్ని 39 నుండి కేవలం 7 శాతానికి తగ్గించుకోవడం అంత సులభమైన విషయం కాదు. కఠోర శ్రమ, క్రమశిక్షణతో కూడిన ఆహారం, కఠినమైన వ్యాయామం ద్వారా అతను సాధించిన ఈ రూపాంతరాన్ని అందరూ ప్రశంసించారు. ఈ చిత్రంలో అతని అద్భుతమైన నటనకు 72వ జాతీయ చలనచిత్ర పురస్కారాలలో ఉత్తమ నటుడి అవార్డు లభించింది. ఇప్పుడు ఈమూవీ అమెజాన్ ప్రైమ్ వీడియో ఓటీటీలో అందుబాటులో ఉంది.
చందు ఛాంపియన్” చిత్రం, మహారాష్ట్రలోని ఒక చిన్న గ్రామానికి చెందిన మురళీకాంత్ పెట్కర్ అనే బాలుడి కథను చెబుతుంది. అతనికి చిన్నప్పటి నుంచే భారతదేశానికి ఒలింపిక్ పతకం సాధించాలనే తపన ఉండేది. అతను భారత సైన్యంలో చేరి బాక్సింగ్లో పేరు సంపాదించాడు. అయితే, 1965 ఇండో-పాకిస్తాన్ యుద్ధ సమయంలో, అతని శరీరానికి తొమ్మిది బుల్లెట్లు తగలడంతో, అతని శరీరంలోని కింది భాగం పక్షవాతానికి గురైంది. అయినప్పటికీ, అతను పట్టు వదలకుండా, ఈతను తన కొత్త ఆయుధంగా ఉపయోగించుకుని, 1972 పారాలింపిక్స్లో భారతదేశానికి మొదటి స్వర్ణ పతకాన్ని సాధించి చరిత్ర సృష్టించాడు
