స్నేహితులందరికీ కల్ట్‌‌‌‌ దోస్తీ పాట అంకితం 

హీరో విశ్వక్ సేన్ దర్శకుడిగా రూపొందిస్తున్న చిత్రం ‘కల్ట్‌‌‌‌’. తారక్ సినిమాస్ బ్యానర్‌‌‌‌పై సందీప్ కాకరాల నిర్మిస్తున్నారు. భారతదేశపు తొలి అథెంటిక్ స్లాషర్ థ్రిల్లర్‌‌‌‌ ఇది. తరుణ్ భాస్కర్ డైలాగ్స్‌‌‌‌ రాస్తున్నాడు.  తాజాగా ఈ చిత్రం నుంచి ‘హీ ఈజ్‌‌‌‌ మై దోస్తీ’ అనే పాటను విడుదల చేశారు. సాంగ్‌‌‌‌ రిలీజ్ ఈవెంట్‌‌‌‌లో విశ్వక్‌‌‌‌ సేన్‌‌‌‌ మాట్లాడుతూ ‘ఆరు నెలలు కష్టపడి యూనివర్సల్‌‌‌‌ ఫ్రెండ్‌‌‌‌షిప్‌‌‌‌ సాంగ్‌‌‌‌గా దీన్ని రెడీ చేశాం. సినిమా కంటే ఎక్కువగా ఈ పాట గుర్తుండిపోవాలని, స్నేహితులందరికీ దీన్ని  అంకితం చేయాలని ఈ  పాటను తీర్చిదిద్దాం. 

జీవితంలో ముగ్గురు మంచి స్నేహతులు ఉంటే చాలు, పదిమంది అక్కర్లేదు. అన్‌‌‌‌కండిషనల్‌‌‌‌గా మిమ్మల్ని ఇష్టపడే స్నేహితుడిని మర్చిపోవద్దు. రాబోయే ఫ్రెండ్‌‌‌‌షిప్‌‌‌‌ డేకు అందరికీ ఈ పాటను గిఫ్ట్‌‌‌‌గా ఇస్తున్నా. ప్రస్తుతం నేను నటిస్తున్న ‘ఈ నగరానికి ఏమైంది 2’ రిలీజ్ తర్వాతే ఈ చిత్రం విడుదల కానుంది’ అని చెప్పాడు. 

నటులు కార్తికేయ, అనిరుధ్ భాస్కర్, ఈజీ తదితరులు పాల్గొన్నారు.  గోవా ట్రిప్‌‌‌‌ నేపథ్యంలో సాగిన ఈ ఫ్రెండ్‌‌‌‌షిప్‌‌‌‌ సాంగ్‌‌‌‌ను రవి బస్రూర్ కంపోజ్ చేయగా, కార్తీక్ పాడాడు.  సంతోష్ వెంకీ సాహిత్యం అందించాడు.