రాజమౌళితో వర్క్ చేయడం అంటే మామూలు విషయం కాదు, నేను తోపు హీరోని అనుకున్న వాడిని సైతం వామ్మో అనుకునేలా చేస్తాడు. అది తారక్ అయినా, మహేష్ బాబు అయినా సరే తనకి సాటిస్ఫాక్షన్ అనిపించకపోతే ఎన్ని రోజులైనా షూట్ చేయాల్సిందే. జక్కనతో అంత ఈజీ కాదని పృథ్వీరాజ్ సుకుమారన్కు కూడా బోధపడింది. రాజమౌళితో సినిమా అంటే మామూలుగా ఉండదు. ఓ ప్రాజెక్ట్ పట్టాలెక్కిన దగ్గర నుండి సిల్వర్ స్క్రీన్ పైకి వెళ్ళేసరికి హీరోలకు బొమ్మ చూపిస్తూ ఉంటాడు, ఆయనతో వర్క్ చేసిన హీరోలే ఈ విషయం పలుమార్లు చెప్పుకొచ్చారు. తారక్, చరణ్, ప్రభాస్ ‘పని రాక్షసుడు’ అంటూ కాంప్లిమెంట్లు ఇచ్చేశారు కూడా. దీనికి మహేష్ బాబు కూడా మినహాయింపు ఏం కాదు. ఈ సీన్ చేయనంటే కుదరదు, కమిట్మెంట్ ఇచ్చాక పాస్పోర్ట్ తీసుకున్నా ఈజీ కాదని అర్థమైంది. ఇదే విషయాన్ని తాజాగా పృథ్వీరాజ్ కూడా బయట పెట్టాడు. వారణాసిలో ఓ స్పెషల్ షాట్ కోసం ఉదయాన్నే మొదలు పెట్టి సాయంత్రం కూడా ఫినిష్ చేయలేదట జక్కన్న. ఆ షాట్ కోసం 90 కి పైగా టేక్స్ తీసుకున్నామని, షూట్లో లంచ్ బ్రేక్ 20 నిమిషాలే తీసుకున్నామని రీసెంట్లీ ఓ ఇంటర్వ్యూలో చెప్పుకొచ్చాడు పృథ్వి. ఎట్టకేలకు ఆ షూట్ మరుసటి రోజు పూర్తి చేసామని వెల్లడించాడు పృథ్వీరాజ్.
అలాగే జక్కనపై ప్రశంసలు కురిపించేసాడు మలయాళ హీరో పృథ్వి. సీన్ వివరించేటప్పుడు ఆ క్యారెక్టర్ లోకి ఇన్వాల్వ్ అయిపోతాడని, ఇంత కష్టపడే దర్శకుడిని చూడలేదు అన్నాడు. మేము షూటింగ్ స్పాట్ లోకి వెళ్ళే సమయానికి రాజమౌళి వచ్చేసి తమ సీన్స్ రిహర్సల్స్ చేసేస్తాడని చెప్పుకొచ్చాడు. మొత్తానికి తనతో సినిమా అంటే మామూలుగా ఉండదని పొరుగు హీరోలకు తెలిసేలా చేశాడు జక్కన్న. వారణాసిలో పృథ్వి ‘రణకుంభ’గా కనిపించబోతున్నాడు. ఈ మైథాలజీ యాక్షన్ ఎంటర్టైనర్ వచ్చే ఏడాది ఏప్రిల్ 7న రిలీజ్ కాబోతుంది. భారీ బడ్జెట్ తో తెరకెక్కుతున్న ఈ మూవీ ఎన్ని సరికొత్త రికార్డ్స్ ని క్రియేట్ చేస్తుందో చూడాలి.