విక్టరీ వెంకటేష్, మాటల మాంత్రికుడు త్రివిక్రమ్ శ్రీనివాస్ కలయికలో సినిమా అంటేనే అంచనాలు ఆకాశంలో ఉంటాయి. ‘నువ్వు నాకు నచ్చావ్’, ‘మల్లీశ్వరి’ వంటి క్లాసిక్స్కు రచయితగా పనిచేసిన త్రివిక్రమ్, చాలా కాలం తర్వాత వెంకటేష్ను డైరెక్ట్ చేస్తుండటంతో ఈ చిత్రంపై భారీ హైప్ నెలకొంది. తాజాగా ఈ సినిమా నుంచి ఒక అదిరిపోయే అప్డేట్ బయటకు వచ్చింది.
బాలీవుడ్ పాపులర్ వెబ్ సిరీస్ ‘మీర్జాపూర్’లో మున్నా భయ్యాగా సెన్సేషన్ సృష్టించిన దివ్యేందు శర్మ, ఈ సినిమాలో ఒక కీలక పాత్రలో నటించబోతున్నారు. స్వయంగా దివ్యేందు శర్మ ఒక ఇంటర్వ్యూలో ఈ విషయాన్ని వెల్లడించడంతో సినీ లవర్స్ షాక్ అవుతున్నారు. ఇప్పటికే రామ్ చరణ్ ‘పెద్ది’ సినిమాతో తెలుగు తెరకు పరిచయం అవుతున్న ఈయన, వెంటనే త్రివిక్రమ్ సినిమాలో ఛాన్స్ కొట్టేయడం విశేషం. ‘ఆదర్శ కుటుంబం’ ఒక ఫ్యామిలీ క్రైమ్ డ్రామాగా తెరకెక్కుతుండటంతో, దివ్యేందు శర్మ పాత్ర నెగటివ్ షేడ్స్లో ఉంటుందా లేక ఫ్యామిలీ ఎమోషన్స్తో సాగుతుందా అనేది ఆసక్తికరంగా మారింది. శ్రీనిధి శెట్టి హీరోయిన్గా నటిస్తున్న ఈ చిత్రాన్ని దసరా కానుకగా విడుదల చేసేందుకు మేకర్స్ ప్లాన్ చేస్తున్నారు.