కేంద్ర ప్రభుత్వం ఒక కీలక నిర్ణయం తీసుకుంది. ప్రముఖ ఆర్థికవేత్త అశోక్ కుమార్ లాహిరిని నీతి ఆయోగ్ తదుపరి వైస్-ఛైర్మన్గా నియమించారు. నీతి ఆయోగ్ ప్రస్తుత వైస్-ఛైర్మన్ సుమన్ బేరి స్థానంలో లాహిరి బాధ్యతలు స్వీకరిస్తారు. సుమన్ బేరి మే 2022లో ఈ పదవిని చేపట్టారు. కేబినెట్ మంత్రితో సమానమైన హోదాను కలిగి ఉన్నారు. కాగా అశోక్ లాహిరి ప్రస్తుతం భారతీయ జనతా పార్టీ ఎమ్మెల్యేగా కొనసాగుతున్నారు.
పశ్చిమ బెంగాల్లో బీజేపీ, మమతా బెనర్జీకి చెందిన తృణమూల్ కాంగ్రెస్ మధ్య తీవ్రమైన రాజకీయ పోరు జరుగుతున్న తరుణంలో అశోక్ లాహిరి పేరు తెరపైకి వచ్చింది. లాహిరి ప్రస్తుతం బాలూర్ఘాట్ నియోజకవర్గానికి ప్రాతినిధ్యం వహిస్తున్నారు. అయితే ఆయన ఈ ఎన్నికల్లో పోటీ చేయడం లేదు. ఆయన అనుభవం విషయానికొస్తే, లాహిరి భారత ప్రభుత్వానికి 12వ ప్రధాన ఆర్థిక సలహాదారుగా పనిచేశారు. అటల్ బిహారీ వాజ్పేయి ప్రభుత్వ హయాంలో, 2002 డిసెంబర్లో ఆయన ఈ పదవికి నియమితులయ్యారు. ఆయన 2007 జూన్లో ఈ పదవికి రాజీనామా చేసి, మన్మోహన్ సింగ్ ప్రభుత్వ హయాంలో కూడా కొనసాగారు.
అశోక్ లహిరి కోల్కతాలోని ప్రెసిడెన్సీ యూనివర్సిటీలో చదువుకున్నారు. ఆయన ఢిల్లీ స్కూల్ ఆఫ్ ఎకనామిక్స్, ఆసియా డెవలప్మెంట్ బ్యాంక్, బంధన్ బ్యాంక్, మరియు నేషనల్ ఇన్స్టిట్యూట్ ఆఫ్ పబ్లిక్ ఫైనాన్స్ అండ్ పాలసీ వంటి సంస్థలలో బోధన, పరిశోధనలు నిర్వహించడంతో పాటు నాయకత్వ పదవులను కూడా నిర్వహించారు. ఆయన ప్రపంచ బ్యాంకు, అంతర్జాతీయ ద్రవ్య నిధిలో కూడా పనిచేశారు. ఈ నియామకంతో మరో పేరు తెరపైకి వచ్చింది. గతంలో జవహర్లాల్ నెహ్రూ యూనివర్సిటీలో ఇమ్యునాలజీ రంగంలో పనిచేసిన శాస్త్రవేత్త గోబర్ధన్ దాస్, ఐఐఎస్ఈఆర్ భోపాల్ డైరెక్టర్గా కూడా పనిచేశారు. బీజేపీతో అనుబంధం ఉన్న గోబర్ధన్ దాస్, 2021 పశ్చిమ బెంగాల్ ఎన్నికలలో పూర్వస్థలి నార్త్ స్థానం నుంచి పోటీ చేసి ఓడిపోయారు.
పశ్చిమ బెంగాల్ రాజకీయాల్లో బీజేపీ తన ఉనికిని బలోపేతం చేసుకుంటున్న తరుణంలో, ఆ రాష్ట్రానికి చెందిన మరియు అంతర్జాతీయ స్థాయి గుర్తింపు ఉన్న ఆర్థికవేత్తను నీతి ఆయోగ్ వంటి కీలక సంస్థకు నాయకత్వం వహించేలా చేయడం ప్రాధాన్యత సంతరించుకుంది. అదేవిధంగా, గతంలో పశ్చిమ బెంగాల్ ఎన్నికల్లో పోటీ చేసిన శాస్త్రవేత్త గోబర్ధన్ దాస్ (IISER భోపాల్ మాజీ డైరెక్టర్) పేరు కూడా ప్రస్తావనకు రావడం, విద్యా మరియు శాస్త్రీయ రంగాల్లో నిపుణులను విధాన నిర్ణేతలుగా గుర్తించే ప్రక్రియను సూచిస్తోంది.
The new NITI Aayog team includes two Bengali stalwarts, senior economist Dr. Ashok Lahiri as Vice Chairperson and eminent scientist Dr. Gobardhan Das as Member.
With this, Bengal once again finds two of its distinguished sons in the top echelons of Indian policymaking, marking… pic.twitter.com/pH2pFSdgJ4
— Amit Malviya (@amitmalviya) April 24, 2026
మరన్ని జాతీయ వార్తల కోసం ఇక్కడ క్లిక్ చేయండి..