భారతదేశంలో పెట్రోల్ ధరలు పెరుగుతున్న నేపథ్యంలో ప్రత్యామ్నాయ ఇంధనాలపై ఆసక్తి పెరుగుతోంది. అలాంటి వాటిలో E85 ఇంధనం ఒకటి. ఇందులో 85 శాతం ఇథనాల్, 15 శాతం పెట్రోల్ మిశ్రమంగా ఉంటుంది. ఇది సాధారణ పెట్రోల్తో పోలిస్తే తక్కువ కాలుష్యాన్ని ఉత్పత్తి చేయడంతో పాటు, దేశీయంగా ఉత్పత్తి అయ్యే ఇంధనంపై ఆధారపడటానికి సహాయపడుతుంది. ఇటీవలె చౌకైన E85 పెట్రోల్ను విడుదల చేసిన విషయం తెలిసిందే.
దీనిని కేవలం ఫ్లెక్స్-ఫ్యూయల్ వాహనాల్లో మాత్రమే ఉపయోగించవచ్చని ప్రభుత్వం స్పష్టం చేసింది. E85ను ఉపయోగించాలనుకునే భారతీయులు, ఫ్లెక్స్-ఫ్యూయల్ వేరియంట్లలో లభించే మూడు మోడళ్లను కొనుగోలు చేయవచ్చు. మారుతి సుజుకి వాగన్ ఆర్ ఫ్లెక్స్ ఫ్యూయల్, హీరో స్ప్లెండర్+ ఫ్లెక్స్ ఫ్యూయల్, హీరో హెచ్ఎఫ్ డీలక్స్ ఫ్లెక్స్ ఫ్యూయల్. ఫ్లెక్స్-ఫ్యూయల్ వాహనాలు E20 నుండి E100 ఇంధనాలపై నడపవచ్చు.
E85 ఇంధనం అంటే 85% ఎథనాల్ + 15% పెట్రోల్ మిశ్రమం. ఇది సాధారణ పెట్రోల్ కంటే సుమారు రూ.15-20 చౌకగా లభిస్తుంది (దిల్లీలో సుమారు రూ.82/లీటర్). ఇది పర్యావరణానికి మంచిది, దిగుమతులు తగ్గుతాయి, రైతులకు లాభం. కానీ సాధారణ కార్లు లేదా E20 వాహనాల్లో వాడితే ఇంజిన్కు నష్టం (కారణం.. ఇథనాల్ ఎక్కువగా ఉండటం వల్ల కార్రోజన్, సీల్స్ డ్యామేజ్, మైలేజ్ తగ్గడం). Flex-Fuel Vehicles (FFVs) మాత్రమే E85 (E20 నుంచి E85 లేదా E100 వరకు) మీద సురక్షితంగా నడుస్తాయి. ఇవి ప్రత్యేక ఇంజిన్, ఫ్యూయల్ సిస్టమ్, ECU కలిగి ఉంటాయి.
ప్రస్తుతం భారత్లో లభించే లేదా లాంచ్ అయిన E85 వాహనాలు (2026 నాటికి)
Maruti Suzuki WagonR Flex Fuel
భారత్లో మొదటి మాస్-మార్కెట్ ఫ్లెక్స్-ఫ్యూయల్ కారు.
E85, E100 సపోర్ట్ చేస్తుంది.
ముఖ్యంగా ఫ్లీట్ ఆపరేటర్లు, క్యాబ్ కంపెనీల కోసం మొదట లభ్యం.
Hero Splendor+ Flex Fuel
ధర: దిల్లీలో సుమారు రూ.82,710 (ఎక్స్-షోరూమ్).
97.2cc ఇంజిన్, E85 సపోర్ట్.
2026 జూలై నుంచి సేల్స్.
Hero HF Deluxe Flex Fuel
ధర: దిల్లీలో సుమారు రూ.72,792.
అదే 97.2cc ఇంజిన్.
జూలై 2026 నుంచి అందుబాటులో.
త్వరలో రాబోయే / ప్రోటోటైప్లు (Showcased Models):
Maruti Suzuki Fronx Flex Fuel- జపాన్ మొబిలిటీ షోలో ప్రదర్శించారు.
Tata Punch Flex Fuel- 1.2L ఇంజిన్తో E85 సపోర్ట్.
Toyota Innova Hycross Flex Fuel (ప్రోటోటైప్)- స్ట్రాంగ్ హైబ్రిడ్.
Toyota Corolla Flex Fuel.
Hyundai Creta Flex Fuel (1.0L టర్బో ఇంజిన్).
మరిన్ని మోడల్స్ (మారుతి, టాటా, హ్యుండై, టయోటా నుంచి) త్వరలో రావచ్చు. 2026-27లో E85 పంపులు ఎక్కువ అయ్యేకొద్దీ ఆప్షన్స్ పెరుగుతాయి.