టాలీవుడ్ డ్యాషింగ్ డైరెక్టర్ పూరీ జగన్నాథ్ సినిమాల్లో ఉండే మాస్ ఎనర్జీ, హీరో క్యారెక్టరైజేషన్స్ గురించి ప్రత్యేకంగా చెప్పక్కర్లేదు. అయితే గత కొన్ని చిత్రాలు ఆశించిన స్థాయిలో సక్సెస్ కాకపోవడంతో పూరీ కమ్బ్యాక్ కోసం ఆయన అభిమానులు, టాలీవుడ్ వర్గాలు ఎంతగానో ఎదురుచూస్తున్నాయి. ఈ తరుణంలో పూరీ జగన్నాథ్ నయా ప్రాజెక్ట్ ‘స్లమ్డాగ్’ గురించి ఒక ఆసక్తికరమైన అప్డేట్ ఫిలిం నగర్ సర్కిల్స్లో జోరుగా చక్కర్లు కొడుతోంది. ఈ క్రేజీ అప్డేట్ పూరీ అభిమానుల్లో సరికొత్త జోష్ నింపింది.
ఈ గుసగుసల ప్రకారం.. పూరీ జగన్నాథ్ తన అప్కమింగ్ మూవీ ‘స్లమ్డాగ్’ స్క్రిప్ట్ను లెజెండరీ రైటర్ రాజమౌళి తండ్రి విజయేంద్ర ప్రసాద్ వద్దకు తీసుకెళ్లారట. గతంలో పూరీ వరుస పరాజయాలను చూసి తట్టుకోలేకపోయిన విజయేంద్ర ప్రసాద్, సినిమాను సెట్స్ పైకి తీసుకెళ్లడానికి ముందే స్క్రిప్ట్ తనకు చూపించాల్సిందిగా పూరీకి ఆత్మీయ సలహా ఇచ్చారట. పూరీ కథ చెప్పే విధానం, మేకింగ్ స్టైల్ అంటే విజయేంద్ర ప్రసాద్కు ఎంతో ఇష్టం. ఆ నమ్మకంతోనే పూరీ రాసుకున్న ‘స్లమ్డాగ్’ స్క్రిప్ట్ను ఆయన లైన్ బై లైన్ పరిశీలించి, కథలో కొన్ని కీలకమైన మార్పులు-చేర్పులు సూచించినట్లు టాక్. విజయేంద్ర ప్రసాద్ ఇచ్చిన ఇన్పుట్స్తో స్క్రిప్ట్కు తుది మెరుగులు దిద్దిన తర్వాత కథ అద్భుతంగా వచ్చిందని తెలుస్తోంది. ఈ సరికొత్త వెర్షన్ చూసి విజయేంద్ర ప్రసాద్ కూడా పూరీని ఎంతగానో అభినందించారట. ఈ మార్పుల వల్ల సినిమా రేంజ్ నెక్స్ట్ లెవెల్కు వెళ్తుందని ఇది ఖచ్చితంగా ఒక భారీ బ్లాక్బస్టర్ హిట్ అవుతుందని ఆయన ధీమా వ్యక్తం చేసినట్లు ఇండస్ట్రీ వర్గాల సమాచారం.
ఒకవైపు పూరీ జగన్నాథ్ మార్క్ రా అండ్ రస్టిక్ టేకింగ్, మరోవైపు విజయేంద్ర ప్రసాద్ లాంటి మాస్టర్ స్టోరీ టెల్లర్ స్క్రిప్ట్ జడ్జిమెంట్.. ఈ రెండు తోడవ్వడంతో ‘స్లమ్డాగ్’ చిత్రంపై టాలీవుడ్లో భారీ అంచనాలు నెలకొన్నాయి. ఈ సినిమాతో పూరీ జగన్నాథ్ బాక్సాఫీస్ వద్ద స్ట్రాంగ్ కమ్బ్యాక్ ఇవ్వాలని ఆశిద్దాం.