టాలెంటెడ్ నటుడు సుహాస్ అనగానే మనకు గుర్తుకు వచ్చేది కంటెంట్ ఉన్న సినిమాలు. ‘కలర్ ఫోటో’, ‘రైటర్ పద్మభూషణ్’ వంటి చిత్రాలతో తెలుగు ప్రేక్షకుల గుండెల్లో సుస్థిర స్థానం సంపాదించుకున్న సుహాస్, ఇప్పుడు సరిహద్దులు దాటి కోలీవుడ్పై కన్నేశాడు. తమిళ దర్శకుడు మతిమారన్ పుగళేంది తెరకెక్కిస్తున్న ‘మండాడి’ (Mandaadi) చిత్రంతో సుహాస్ పాన్ ఇండియా లెవల్లో తన అదృష్టాన్ని పరీక్షించుకోబోతున్నాడు.
సముద్రం సాక్షిగా సాగే స్పోర్ట్స్ డ్రామా
ఈ సినిమా కథాంశం అత్యంత ఆసక్తికరంగా ఉండబోతోంది. తీర ప్రాంత నేపథ్యం, మత్స్యకారుల జీవనశైలిని ప్రతిబింబిస్తూ సాగే ఈ స్పోర్ట్స్ డ్రామాలో సుహాస్తో పాటు తమిళ స్టార్ నటుడు సూరి మరో ప్రధాన పాత్రలో నటిస్తున్నారు. కేవలం నటనకు మాత్రమే పరిమితం కాకుండా, సినిమాలోని రియలిజం కోసం మేకర్స్ నిజమైన సముద్ర లొకేషన్లలో షూటింగ్ నిర్వహించారు. మనుగడ కోసం పోరాటం, వ్యక్తిగత గుర్తింపు, మానవ స్ఫూర్తి అనే అంశాల చుట్టూ ఈ కథను తీర్చిదిద్దారు.
ఆరు నెలల కఠిన శిక్షణ..
ఈ సినిమా కోసం సుహాస్ పడుతున్న కష్టం అంతా ఇంతా కాదు. ముఖ్యంగా సినిమాలో హైలైట్గా నిలిచే ‘సెయిల్ బోట్ రేస్’ సీక్వెన్స్ కోసం సుహాస్, సూరి బృందం దాదాపు ఆరు నెలల పాటు కఠినమైన శిక్షణ తీసుకున్నారు. సముద్రపు అలల మధ్య ప్రాణాలకు తెగించి చేసే ఈ పోరాట దృశ్యాలను పాపులర్ యాక్షన్ కొరియోగ్రాఫర్ పీటర్ హెయిన్స్ పర్యవేక్షణలో చిత్రీకరించారు.
విజువల్ వండర్ గా..
‘మండాడి’ కేవలం ఒక చిన్న సినిమాగా కాకుండా, భారీ సాంకేతిక విలువలతో కూడిన విజువల్ వండర్గా రాబోతోంది. స్టార్ కంపోజర్ జీవీ ప్రకాష్ కుమార్ అద్భుతమైన నేపథ్య సంగీతాన్ని అందిస్తున్నారు. ఎస్.ఆర్. కదిర్ తన లెన్స్ ద్వారా సముద్రపు లోతుల్ని, తీర ప్రాంత అందాల్ని అద్భుతంగా బంధించారు. మహిమా నంబియార్ హీరోయిన్గా నటిస్తుండగా, దిగ్గజ నటుడు సత్యరాజ్, రవీంద్ర విజయ్ వంటి వారు కీలక పాత్రలు పోషిస్తున్నారు.
ప్రస్తుతం పోస్ట్ ప్రొడక్షన్ పనులను జెట్ స్పీడ్లో పూర్తి చేస్తున్న ఈ చిత్రాన్ని తెలుగు, తమిళం, హిందీ భాషల్లో గ్రాండ్గా విడుదల చేసేందుకు ఆర్ఎస్ ఇన్ఫోటైన్మెంట్ సిద్ధమవుతోంది. సముద్ర గర్భంలో సాగే ఈ యాక్షన్ అడ్వెంచర్ సుహాస్ కెరీర్ను మరో స్థాయికి తీసుకెళ్లడం ఖాయంగా కనిపిస్తోందని ఫ్యాన్స్ ధీమా వ్యక్తం చేస్తున్నారు..