Rahul Gandhi: కాంగ్రెస్, బీజేపీకి కొత్త అర్థం చెప్పారు రాహుల్ గాందీ.. పది రోజుల పాటు అనంతగిరిలో డీసీసీ అధ్యక్షులు నిర్వహించిన శిక్షణా తరగతులు ముగిసిన సందర్భంగా విపక్ష నేత రాహుల్ గాంధీ మాట్లాడుతూ.. డీసీసీ అధ్యక్షులు మరియు ఇతర నాయకులకు దిశా నిర్దేశం చేశారు. ఈ సందర్భంగా రాహుల్ గాంధీ పార్టీని శివుడితో, బీజేపీని విష్ణువుతో పోల్చారు.
Read Also: Amit Shah: బీజేపీ అధికారంలోకి వస్తే మమత గూండాలను తలక్రిందులుగా వేలాడదీస్తాం
కాంగ్రెస్ విధానం.. అహింస, ప్రజలకు సేవ, సిద్ధాంతాల పైనే ఫోకస్ అయితే.. బీజేపీ విధానం మాత్రం.. హింస, అధికారం కోసం ప్రజలను మోసం చేయడమే అన్నారు రాహుల్ గాంధీ.. కాంగ్రెస్ పార్టీకి శివుడి పోలిక చెప్పారు రాహుల్… తనలో సగభాగాన్ని మహిళకు ఇచ్చి, నిరాడంబరంగా, అడిగితే ఇచ్చే విధంగా శివుడు ఉంటాడు. శివుడి దగ్గర త్రిశూలం ఉండి కూడా అది వెనకే ఉంటుంది; ధర్మాన్ని కాపాడాల్సిన సమయంలో మాత్రమే ఉపయోగిస్తారు అని చెప్పారు.. అయితే, బీజేపీ విష్ణువుతో పోలిక ఉందన్నారు రాహుల్.. బీజేపీ విష్ణువు లాగా ఆడంబరంగా, అధికారంపై దృష్టి పెట్టి విధానమని దుయ్యబట్టారు.. అయితే, కాంగ్రెస్ నేతలకు సింప్లిసిటీ, నిజాయితీ, దృఢత్వంతో ఉండాలని సూచించారు. DCC అధ్యక్షులు తమ టీమ్ అని, భవిష్యత్ పార్టీ కోసం కలిసి పనిచేయాలని స్పష్టం చేశారు. ఈ వ్యాఖ్యల ద్వారా రాహుల్ గాంధీ కాంగ్రెస్ మరియు బీజేపీ రాజకీయ విధానాల తేడాలను వివరించారు, అలాగే నాయకత్వ ధోరణులపై కొత్త అర్థాన్ని ప్రస్తావించారు రాహుల్ గాంధీ..