Mamitha Baiju: సౌత్ ఇండియాలో సునామీ.. 3 వారాల్లో 3 భాషల్లో భారీ రికార్డు!
మలయాళ చిత్రం ‘ప్రేమలు’ డబ్బింగ్ తో తెలుగు ఆడియన్స్ కి మమిత బాగా దగ్గరైంది. రాజమౌళి సైతం ఈ అమ్మడి యాక్టింగ్ కు ఫిదా అయిపోయాడు. కట్ చేస్తే తెలుగు, తమిళం, మలయాళం అన్న తేడా లేకుండా బిజీ అయిపోయింది. ప్రేమలు తర్వాత తెలుగులో రిలీజ్ అయిన ‘డ్యూడ్’ లో ప్రదీప్ రంగనాథన్, మమిత యాక్టింగ్ లో పోటీ పడి మరీ మెప్పించారు. స్టార్ హీరోల పక్కన మమిత డిఫరెంట్ షేడ్స్ లో కనిపిస్తోంది.
సూర్య, విజయ్ మధ్య ఏజ్ లో పెద్ద గ్యాప్ లేదు. విజయ్ కు 51 అయితే సూర్యకు 50. ‘జననాయగన్’ లో విజయ్ కూతురుగా నటిస్తున్న మమిత, ‘విశ్వనాథ్ అండ్ సన్స్’ లో సూర్యను ప్రేమించే అమ్మాయిగా కనిపిస్తోంది. ఇలా స్టార్స్ పక్కన డిఫరెంట్ రోల్స్, కథలతో కనిపించనుంది మమిత. ఈ రెండు సినిమాలు మూడు వారాల గ్యాప్ లో రిలీజ్ అవుతున్నాయి. ఈ నెల 23న జననాయగన్, ఆగస్టు 14న విశ్వనాథ్ అండ్ సన్స్ రిలీజ్ అవుతుంది. విశ్వనాథ్ అండ్ సన్స్ రిలీజ్ అయిన వారానికే, ఆగస్టు 21న మమిత నటించిన మలయాళ చిత్రం ‘బెత్లేహేమ్ కుటుంబం’ విడుదలవుతుంది. మమితకు ప్రేమలు లాంటి ఇండస్ట్రీ హిట్ ఇచ్చిన గిరీష్ ఈ రొమాంటిక్ ఫ్యామిలీ డ్రామాను డైరెక్ట్ చేయడంతో సినిమాపై హై ఎక్స్పెక్టేషన్స్ ఉన్నాయి. ఇందులో యంగ్ స్టార్ నివిన్ పౌలీతో జతకడుతోంది మమిత.
ఒకేసారి రెండు సినిమాలతో, నెల తిరగకుండా మూడు సినిమాలతో గతంలో చాలా మంది హీరోయిన్స్ వచ్చారు. అయితే మమిత ఒకేసారి మూడు భాషలను కవర్ చేసింది. విశ్వనాథ్ అండ్ సన్స్ తెలుగులో, జననాయగన్ తమిళంలో, బెత్లేహేమ్ కుటుంబం మలయాళంలో రూపొందింది. అసిస్టెంట్ డైరెక్టర్ గా వర్క్ చేసిన మమిత, 15 సినిమాల్లో నటించిన తర్వాత 16వ సినిమా ‘ప్రేమలు’ క్రేజ్ తీసుకొచ్చింది. తెలుగులో స్టార్ హోదా దక్కితే హిందీ ఆఫర్స్ వస్తాయి, ఓ రేంజ్ లో రెమ్యునరేషన్ పెరుగుతుంది. ఇప్పటికే రెండు కోట్లు తీసుకుంటున్న మమిత, మూడు నాలుగు కోట్లు టార్గెట్ గా పెట్టుకుంది. విశ్వనాథ్ అండ్ సన్స్ తెలుగు, తమిళంలో హిట్ అయితే నాలుగు కోట్ల డ్రీమ్ తీరినట్టే.
