అక్కినేని అభిమానులకు మరోసారి నిరాశ తప్పలేదు. అఖిల్ నటిస్తున్న మోస్ట్ అవేటెడ్ పీరియాడిక్ రగ్గడ్ యాక్షన్ డ్రామా ‘లెనిన్’ కోసం ఫ్యాన్స్ ఎంతో అతృతగా ఎదురుచూస్తున్నారు. ఇప్పటికే పలుమార్లు వాయిదా పడుతూ వస్తున్న ఈ మూవీ విడుదల మరో సారి మారింది. గతంలో ప్రకటించినట్లు జూన్ 26వ తేదీన రిలీజ్ చేయడంలేదని అధికారికంగా ప్రకటన వచ్చింది. ఇలా నాలుగో సారి ఈ మూవీని వాయిదా వేయడంతో అక్కినేని అభిమానులు తీవ్ర నిరాశ చెందుతున్నారు.
మరింత పర్ఫెక్ట్గా…
సినిమాను అనుకున్న సమయానికి కాకుండా కాస్త ఆలస్యంగా తీసుకురావడంపై నాగార్జున అభిమానులకు అసలు కారణాన్ని సోషల్ మీడియా వేదికగా వివరించారు. ఈ వాయిదా వార్తపై వస్తున్న రూమర్లకు చెక్ పెడుతూ, అధికారిక క్లారిటీ ఇచ్చారు. జూలై 10, 2026న ఈ చిత్రం ప్రపంచవ్యాప్తంగా థియేటర్లలోకి రాబోతోందని స్పష్టం చేశారు. ప్రేక్షకులకు 100 శాతం పర్ఫెక్ట్, ఒక మైండ్ బ్లోయింగ్ థియేట్రికల్ ఎక్స్పీరియన్స్ ఇవ్వాలనేదే మా లక్యం. అందుకోసం చిత్ర బృందం మరికొంత సమయం అడిగింది. వారిలో ఉన్న కసి, పట్టుదల చూశాక నేను కూడా గ్రీన్ సిగ్నల్ ఇచ్చాను. ఈ సినిమాతో ప్రేక్షకులు ఒక సరికొత్త, అన్స్టాపబుల్ అఖిల్ను చూస్తారు అని నాగార్జున ఎంతో కాన్ఫిడెంట్గా ప్రకటించారు.
Team #Lenin came to me with a request.
They asked for a little more time to give their absolute 100% and create something very special.
Their passion and spirit made me say yes.
మనోడు 10th July వస్తున్నాడు. I say again you will see a new Akhil!!
Get ready for the #Lenin…— Nagarjuna Akkineni (@iamnagarjuna) June 13, 2026
క్రేజీ కాంబినేషన్..
ఈ చిత్రం అఖిల్ కెరీర్లోనే అత్యంత ప్రతిష్టాత్మకమైనది కావడంతో, ప్రొడక్షన్ క్వాలిటీ విషయంలో ఎక్కడా రాజీ పడకూడదనే ఉద్దేశంతోనే ఈ నాల్గవ వాయిదా నిర్ణయం తీసుకున్నట్లు తెలుస్తోంది. ఇప్పటికే విడుదలైన అఖిల్ రగ్గడ్, మాస్ లుక్ ప్రోమోస్ సినిమాపై అంచనాలను స్కై హైకి తీసుకెళ్లాయి. మురళీ కిశోర్ అబ్బూరు ఈ చిత్రాన్ని తెరకెక్కిస్తున్నారు. రాయలసీమ బ్యాక్డ్రాప్లో సాగే రొమాంటిక్ హై-వోల్టేజ్ యాక్షన్ ఎంటర్టైనర్గా ‘లెనిన్’ రూపొందుతోంది. టాలీవుడ్ క్రేజీ సెన్సేషన్ భాగ్యశ్రీ బోర్సే అఖిల్ సరసన నటిస్తోంది. సీనియర్ నటుడు శివాజీ, వర్సటైల్ యాక్ట్రెస్ శరణ్య ప్రదీప్ ఈ చిత్రంలో పవర్ఫుల్ పాత్రల్లో కనిపించనున్నారు. థమన్ ఈ చిత్రానికి సంగీతం అందిస్తున్నారు.
►ALSO READ | రజనీకాంత్ ‘జైలర్ 2’ లో హృతిక్ రోషన్.. 40 ఏళ్ల తర్వాత క్రేజీ కాంబో!
బాక్సాఫీస్ బరిలో ‘లెనిన్’
టాలీవుడ్ టాప్ బ్యానర్స్ సితార ఎంటర్టైన్మెంట్స్, అన్నపూర్ణ స్టూడియోస్ సంయుక్తంగా సూర్యదేవర నాగవంశీ, అక్కినేని నాగార్జునల నిర్మాణంలో ఈ భారీ బడ్జెట్ చిత్రాన్ని నిర్మిస్తున్నారు. వరుస వాయిదాలతో కొంతమంది ఫ్యాన్స్ నిరాశ చెందినప్పటికీ, నాగార్జున ఇచ్చిన సాలిడ్ భరోసాతో ఇప్పుడు అక్కినేని అభిమానుల్లో సరికొత్త జోష్ నెలకొంది. జూలై 10న బాక్సాఫీస్ వద్ద ‘లెనిన్’ ఎలాంటి సంచలనాలు సృష్టిస్తుందో చూడాలి.