ప్రభాస్ టీం సాధారణంగా వార్తల్లో ఎప్పుడూ ఏదో ఒక అప్డేట్తో సందడి చేస్తుంది. అయితే, ప్రస్తుతం డార్లింగ్ కాంపౌండ్ నుంచి అకస్మాత్తుగా మౌనం ఆవరించింది. ముఖ్యంగా ది రాజాసాబ్ ఫలితం తర్వాత ఎటువంటి అధికారిక వార్తలు వెలువడలేదు. బాహుబలి తర్వాత లార్జర్ దెన్ లైఫ్ పాత్రలు చేస్తూ వచ్చిన ప్రభాస్, హారర్ కామెడీ జానర్లో చేసిన ది రాజాసాబ్ ప్రయోగం విజయం సాధించలేదు. ఈ చిత్రం డిజాస్టర్ కావడంతో ప్రభాస్ ఇమేజ్పై ప్రభావం పడింది. ప్రస్తుతం ప్రభాస్ హీరోగా మూడు సినిమాలు సెట్స్పై ఉండగా, మరో మూడు ప్రీ-ప్రొడక్షన్ దశలో ఉన్నాయి. అయినప్పటికీ అప్డేట్స్ రాకపోవడంతో అభిమానుల్లో ఆందోళన నెలకొంది. ఫౌజీ స్టేటస్, స్పీడ్ పురోగతి, కల్కి సెట్స్లోకి డార్లింగ్ అడుగు పెట్టేది ఎప్పుడు వంటి ప్రశ్నలకు ఫ్యాన్స్ సమాధానాలు ఆశిస్తున్నారు. ప్రభాస్ కాంపౌండ్ నుంచి అఫీషియల్ న్యూస్ కోసం ఎదురుచూపులు కొనసాగుతున్నాయి.