మలయాళ చిత్రాలకు ఉండే క్రేజ్ గురించి చెప్పక్కర్లేదు. ఆ సినిమాలు ఎప్పుడూ వాటి బలమైన కథాంశాలకు ప్రసిద్ధి చెందాయి. ప్రస్తుతం అలాంటి బలమైన కథాంశం ఉన్న ఒక చిత్రం బాక్సాఫీస్ వద్ద సంచలనం సృష్టిస్తోంది. ఈ సినిమా గురించే ఇప్పుడు అంతటా చర్చ జరుగుతోంది. ఎందుకంటే ఎలాంటి అంచనాలు లేకుండా విడుదలై భారీ విజయాన్ని సాధించింది. చిన్న సినిమా అయిన్పపటికీ పెద్ద తుఫాను సృష్టించింది. ఆ సినిమా పేరు ‘వాజ 2: బయోపిక్ ఆఫ్ ఏ బిలియన్ బాయ్స్’.
నిజానికి స్టార్ హీరోహీరోయిన్స్ లేకుండా తెరకెక్కించిన ఒక చిన్న సినిమా 100 కోట్ల రూపాయల మార్కును చేరుకోవడానికి చాలా కాలం వేచి ఉండాల్సి వస్తుంది. కానీ ఇప్పుడు మనం మాట్లాడుకుంటున్న ఈ చిత్రం మాత్రం కేవలం 20 రోజుల్లోనే ప్రపంచవ్యాప్తంగా 200 కోట్ల రూపాయలకు పైగా వసూలు చేసి అందరినీ ఆశ్చర్యపరిచింది. ఈ చిత్రం మాలీవుడ్ పరిశ్రమలో ఎన్నో పాత రికార్డులను బద్దలు కొట్టింది. ప్రస్తుతం యావత్ దేశవ్యాప్తంగా ఈ సినిమా గురించే మాట్లాడుకుంటున్నారు.
‘వాళా 2’ విజయానికి ప్రధాన కారణం ‘మౌఖిక ప్రచారం’ అనే చెప్పాలి. అంటే ఈ చిత్రాన్ని ప్రజలు ఎంతగానో మెచ్చుకుంటున్నారు. విడుదలైన మూడవ వారంలో కూడా ఈ చిత్రం బాక్సాఫీస్ వద్ద బలంగా నిలబడింది. వసూళ్ల విషయానికి వస్తే, 20వ రోజు, అంటే మూడవ మంగళవారం నాడు, ‘వాళా 2’ సుమారు రూ. 1.90 కోట్లు వసూలు చేసింది. ఈ సినిమాకు పాజిటివ్ మౌత్ టాక్ వస్తుంది. ముఖ్యంగా కుర్రాళ్లు ఈ చిత్రానికి ఫిదా అవుతున్నారు.
నివేదిక ప్రకారం, భారత బాక్సాఫీస్ వద్ద దీని నికర వసూళ్లు సాధించింది. ఇప్పుడు ఈ మూవీ కలెక్షన్స్ సుమారు రూ. 111.10 కోట్లకు చేరుకున్నట్లు సమాచారం. ఈ చిత్రం రూ. 125 కోట్ల మార్కును దాటితే, ఇది ‘మంజుమేల్ బాయ్స్’ వంటి పెద్ద చిత్రాల జాబితాలో చేరుతుంది. అయితే ఈ చిత్రం వసూళ్ల పరంగా మలయాళ సూపర్ స్టార్ మోహన్లాల్ ‘ఎల్2: ఎంపురాన్’ను కూడా అధిగమించింది. ‘ఎల్2: ఎంపురాన్’ జీవితకాల వసూళ్లు రూ. 106.77 కోట్లు.
ఇప్పుడు ఇది రూ. 122 కోట్లు వసూలు చేసిన మోహన్లాల్ రెండవ చిత్రం ‘తుడురం’పై కన్నేసింది. ఒకవేళ అది జరిగితే, ఇది అత్యధిక వసూళ్లు సాధించిన మూడవ మలయాళ చిత్రంగా నిలుస్తుంది. ఈ చిత్రానికి భారతదేశంలోనే కాకుండా విదేశాలలో కూడా మంచి స్పందన లభిస్తోంది. గత 20 రోజుల్లో భారతదేశంలో ఈ చిత్రం స్థూల వసూళ్లు 128.47 కోట్లకు చేరుకున్నాయి. ఇక విదేశాలలో, ఈ చిత్రం ఇప్పటివరకు 83.55 కోట్లు వసూలు చేసింది. దీంతో ‘వాజ్ 2’ ప్రపంచవ్యాప్తంగా 212.02 కోట్లకు చేరుకున్నాయి.