సాధారణంగా తీపికి చేదు తోడైతే భరించలేం.. కానీ తీపికి కారం తోడైతే? అదీ జెన్జీ స్టైల్! వినడానికి వింతగా ఉన్నా, ఇప్పుడు సోషల్ మీడియాను షేక్ చేస్తున్న సరికొత్త ట్రెండ్ ‘స్పైసీ హనీ’ కేవలం రుచి కోసం మాత్రమే కాదు, ఒక కొత్త అనుభూతి కోసం ఆరాటపడే నేటి తరానికి ఈ ‘స్వీట్ అండ్ స్పైసీ’ కాంబినేషన్ ఒక అడిక్షన్ అయిపోయింది. అసలు తేనెలో కారం కలపడం వెనుక ఉన్న ఆ సీక్రెట్ ఏంటో చూద్దాం..
జెన్జీ టేస్ట్ మారిందా? :రుచి అనేది కేవలం నాలుకకు సంబంధించింది మాత్రమే కాదు, అది ఒక ఎమోషన్ అని నమ్ముతుంది నేటి జెనరేషన్. ఒకప్పుడు తేనె అంటే కేవలం ఆరోగ్యం లేదా తీపికి కేరాఫ్ అడ్రస్. కానీ ఇప్పుడు అది ‘హాట్ హనీ’ (Hot Honey) గా రూపాంతరం చెందింది. పిజ్జా మీద తేనె ధారలు పోయడం, చికెన్ వింగ్స్ను ఆ కారం తేనెలో ముంచడం.. వినడానికి కాస్త షాకింగ్గా ఉన్నా, ఒక్కసారి టేస్ట్ చేస్తే మాత్రం ఆ మజానే వేరు.
ఎందుకు ఈ క్రేజ్?: జెన్జీ యువత ఎప్పుడూ ఒకే రకమైన ‘బోరింగ్’ రుచులను ఇష్టపడదు. వారికి కావాల్సింది ‘Taste Explosion’. తీపిలోని మెత్తదనం, ఎండు మిర్చిలోని ఘాటు కలిసినప్పుడు మెదడులో ఒక రకమైన డోపమైన్ రష్ కలుగుతుంది. దీనినే ‘కాంట్రాస్ట్ ఫ్లేవర్స్’ అంటారు. అంటే రెండు విరుద్ధమైన రుచులు కలిసినప్పుడు కలిగే ఆ కిక్కే వేరు.
సోషల్ మీడియా ప్రభావం: టిక్టాక్, ఇన్స్టాగ్రామ్ రీల్స్లో ఫుడ్ వ్లాగర్స్ చేసే ప్రయోగాలు ఈ స్పైసీ తేనెను గ్లోబల్ ట్రెండ్గా మార్చాయి. ‘స్వీట్ అండ్ స్పైసీ’ అనేది ఇప్పుడు ఒక లైఫ్ స్టైల్ స్టేట్మెంట్లా మారిపోయింది. వంటగదిలో ఉండే పాతకాలపు తేనె సీసాకు, చిల్లీ ఫ్లేక్స్ను జోడించి తమదైన శైలిలో కొత్త రెసిపీలను సృష్టించడం ఈ తరం ప్రత్యేకత.
ఆరోగ్యం- మజా: ప్రపంచవ్యాప్తంగా వివిధ రకాల మిరపకాయలలో ఉండే ‘క్యాప్సైసిన్’ మెటబాలిజాన్ని పెంచుతుందని, తేనెలో ఉండే యాంటీ ఆక్సిడెంట్స్ శరీరానికి మేలు చేస్తాయని నిపుణులు చెబుతుంటారు. అంటే ఇటు రుచికి రుచి, అటు ఆరోగ్యానికి ఆరోగ్యం.. అందుకే ఈ జెన్జీ ‘స్పైసీ హనీ’ కి ఫిదా అయిపోతున్నారు. కంఫర్ట్ జోన్ నుండి బయటకు వచ్చి సరికొత్త ప్రయోగాలు చేయడంలో జెన్జీ ఎప్పుడూ ముందే ఉంటారని ఈ ట్రెండ్ మరోసారి నిరూపించింది.
గమనిక: స్పైసీ హనీ రుచి బాగుంటుందని అతిగా తీసుకోవద్దు. తేనెలో చక్కెర శాతం ఎక్కువగా ఉంటుంది, అలాగే అధిక కారం గ్యాస్ట్రిక్ సమస్యలకు దారితీయవచ్చు. మీ శరీర తత్వానికి అనుగుణంగా, మితంగా మాత్రమే ఇలాంటి కొత్త రుచులను ప్రయత్నించండి.
The post జెన్జీ టేస్ట్ మారిందా? స్పైసీ తేనె ఎందుకు అంత పాపులర్? appeared first on Manalokam – Latest Telugu News & Updates.