దళపతి విజయ్ మే 10, 2026న తమిళనాడు ముఖ్యమంత్రిగా ప్రమాణ స్వీకారం చేసి చరిత్ర సృష్టించారు. చెన్నైలోని జవహర్లాల్ నెహ్రూ స్టేడియంలో జరిగిన ఈ వేడుకకు సినీ, రాజకీయ ప్రముఖులు హాజరయ్యారు. ఈ కార్యక్రమంలో హీరోయిన్ త్రిష స్పెషల్ అట్రాక్షన్గా నిలిచింది. సంప్రదాయ చీరకట్టులో మెరిసిన త్రిష, విజయ్ తల్లిదండ్రులతో కలిసి ముందు వరుసలో కూర్చోవడం అందరి దృష్టిని ఆకర్షించింది. ముఖ్యంగా విజయ్ తల్లిని ఆప్యాయంగా హత్తుకుని పలకరించిన వీడియోలు ప్రస్తుతం సోషల్ మీడియాలో వైరల్ అవుతున్నాయి.
ఎప్పటికీ విజయ్కే నా మద్దతు..
ప్రమాణ స్వీకారం అనంతరం మీడియాతో మాట్లాడిన త్రిష తన ఆనందాన్ని వ్యక్తం చేసింది. “తమిళనాడు సీఎం దళపతి విజయ్కు హృదయపూర్వక అభినందనలు. నేను చాలా సంతోషంగా ఉన్నాను. నా మద్దతు ఎప్పటికీ విజయ్కే ఉంటుంది,” అంటూ ఆమె శుభాకాంక్షలు తెలిపింది. అలాగే విజయ్కు మద్దతు ఇచ్చిన తమిళనాడు ప్రజలకు కూడా ఆమె ధన్యవాదాలు తెలియజేసింది.
Actor Trisha speaks exclusively to TIMES NOW
“Congratulations… I am very happy…” Actor Trisha Krishnan#CMJosephVijay #Trisha pic.twitter.com/NrFJtbTTcK
— Prasaanth (@prasaanth_07) May 10, 2026
ఈ చారిత్రాత్మక కార్యక్రమానికి హాజరుకావడం తనకు ఎంతో ప్రత్యేకంగా అనిపించిందని త్రిష పేర్కొంది. విజయ్తో ఆమెకు ఉన్న అనుబంధం గురించి మాట్లాడుకుంటే, ఇద్దరూ కలిసి గిల్లి, తిరుపాచి, ఆతి, కురువి, లియో వంటి పలు సూపర్ హిట్ చిత్రాల్లో నటించారు. ఇటీవల ది గోట్ సినిమాలో త్రిష స్పెషల్ సాంగ్ చేసి ఆకట్టుకుంది. త్రిష ప్రస్తుతం కరుప్పు చిత్రంలో నటిస్తోంది. తమిళ స్టార్ సూర్య హీరోగా నటిస్తున్న ఈ సినిమాకు ఆర్. బాలాజీ దర్శకత్వం వహిస్తున్నారు.
ఇక తమిళనాడు సీఎంగా తన తొలి ప్రసంగంలో విజయ్ ప్రజల నమ్మకాన్ని నిలబెట్టుకుంటానని హామీ ఇచ్చారు. “ప్రజాధనంలో ఒక్క రూపాయి కూడా దుర్వినియోగం కాకుండా చూస్తాం. అవినీతిని ఎట్టి పరిస్థితుల్లో సహించను. ప్రజలతో కలిసి మరింత బలమైన తమిళనాడును నిర్మిస్తాం,” అని ఆయన పేర్కొన్నారు.
చీరకట్టులో త్రిష హుందాతనం..
విజయ్ ప్రమాణ స్వీకార కార్యక్రమంలో త్రిష ప్రత్యేక ఆకర్షణగా నిలిచింది. సంప్రదాయ హుందాతనం, మోడర్న్ స్టైల్ కలగలిసిన ఆమె లుక్ అందరి దృష్టిని ఆకర్షించింది. త్రిష సముద్రపు నురుగు నీలం రంగు కంచివరం చీరలో మెరిసిపోయింది. సున్నితమైన బంగారు అంచుతో కూడిన ఆ చీరకు, పూల డిజైన్లతో అలంకరించిన గోల్డ్-బేజ్ బ్రోకేడ్ బ్లౌజ్ను జత చేసింది.
Tamil Nadu: Actor Trisha Krishnan at the Jawaharlal Nehru Stadium in Chennai, where TVK Chief C Joseph Vijay will take oath as the Chief Minister of Tamil Nadu, shortly. pic.twitter.com/VmvDUqIjIq
— ANI (@ANI) May 10, 2026
ఆభరణాల విషయంలో కూడా త్రిష ఎంతో క్లాసీగా కనిపించింది. మధ్యలో కెంపు రత్నంతో కూడిన డైమండ్ చోకర్, దానికి సరిపోయే స్టడ్స్ ఆమె అందాన్ని మరింత హైలైట్ చేశాయి. సంప్రదాయ దక్షిణ భారతీయ స్టైల్లో జుట్టును చక్కగా ముడి వేసుకుని, మల్లెపూలతో అలంకరించుకుంది.
కార్యక్రమం మొత్తం త్రిష చిరునవ్వుతో అందరినీ ఆకట్టుకుంది. ఆమె ఉనికి, విజయ్ కుటుంబ సభ్యులతో ఆప్యాయంగా మెలిగిన తీరు సోషల్ మీడియాలో వైరల్గా మారాయి. విజయ్-త్రిషను అభిమానించే వారు, ఈ రియల్ లైఫ్ సక్సెస్ ని ప్రత్యేకంగా సెలబ్రేట్ చేస్తున్నారు.